ئێران بە دروشمی "بەیعەت بە ئایندە" ماڵئاوایی لە زانایانی ناڤۆکی و فەرماندە باڵاکانی کرد کە لە هێرشە ئاسمانییەکانی رژێمی داگیرکەر کوژران. بانگەوازەکانی تۆڵەسەندنەوە و خۆپاراستن لە شەقامەکانی تاران دەنگی دایەوە.

٦٠ فەرماندە و زانای ناڤۆکی ئێرانی کە لە دوایین هێرشەکانی رژێمی سەهیۆنی بۆ سەر ئێران شەهید بوون، ئەمڕۆ لە ڕێوڕەسمێکدا بە ئامادەبوونی سەدان هەزار کەس لە تارانی پایتەخت بە خاک سپێردرا.

ئیدارەی ئێران ئەم ماڵئاواییەی نەک تەنها وەک پرسەیەک بەڵکو بە پەیامی "بەیعەت بە داهاتوو" و "خۆپاراستنی نەتەوەیی" وەسف کرد.

ئەو ڕێوڕەسمە سەرلەبەیانی لە گۆڕەپانی ئیقیلابی ئیسلامییەوە دەستی پێکرد و درێژبووەوە بۆ گۆڕەپانی ئازادی.

لە کاتێکدا تابوتەکان لەسەر شانی خەڵک هەڵدەگیران و بە ئاڵای ئێرانەوە پۆشرابوون، بەشداربووان دروشمی "مردن بۆ ئیسرائیل!" و "خوێنی شەهیدان سەرکەوتن دەنووسێت!"یان دەگوتەوە.

عەلی شەمخانی، سکرتێری پێشووی ئەنجوومەنی باڵای ئاسایشی نەتەوەیی ئێران و ڕاوێژکاری ڕێبەری شۆڕشی ئێران ئایەتوڵڵا خامنەیی لە سۆشیال میدیادا وتی، "ئەمە تەنیا ماڵئاوایی نییە، بەڵکو سوێندی بەیعەت بۆ داهاتووە. لە هەر خوێنێکی ڕژاو هەزار فەرماندە لەدایک دەبن."

شەمخانی جەختی لەوە کردەوە کە هێرشی رژێمی سەهیۆنی کە ڕۆژی هەینی ١٣ی حوزەیران دەستی پێکردبوو، بە داوای ئاگربەستی داگیرکەران کۆتایی هات.

لە میانی ئەو ڕێوڕەسمەدا، ئێرانییەکان نەک هەر شەهیدەکانیان بەڵکو یادی شەهیدانی مەدەنی لە غەززە، لوبنان و عێراقیان بەرز ڕاگرت.(İLKHA)